لي صديق بالغلا قدره جليل
غالي عندي على طول الزمان
في تواصيفه أبد ماله مثيل
فيه طيبة قلب مع زود الحنان
لاشحيح النفس ولادمه ثقيل
غصب عني صارله قدر ومكان
مستحيل ألقى مثيله مستحيل
الحبيب اللي على الغالين كان
صرت أحبه حيل وسميته خليل
وموعدي في رفقته بالحب حان
جيت قلبه شايل أشواقي دخيل
وضمني بين الضماير بالحنان
له بدعت الشعر والقاف الجزيل
يستحق بيوت شعري والمعان
كنت أدور طب للجرح العليل
وإلتقيته في صواديف الزمان
فيه شفت دواي للجرح العضيل
وصارلي من غدر هالدنيا أمان
والله إنه في البشر شكله قليل
وصرت أصونه والغلا طبعه يصان
له مزايا نادره وخلق" جميل
الله اللي ميزه عن كل دان
من عرفته ماعرفت إلا الأصيل
وإتخذته للوفا درع وضمان
مال له قلبي وأنا قلبي يميل
ورحت أجر لساحته حبل العنان
العمر يفنى وعسى عمره طويل
ويبعده ربي عن أسباب الهوان
الرئيسية 
موضوع: اهدائات حلوة 
